تفتكروا ايه اللى هيحصل هنا لو .... ؟؟!

السلام عليكــم ورحمـة الله وبركاتــة ،،

هاى عليكم السؤال ده جه فى دماغى امبارح بس طبعا ازمة النت ولما جت الفرصة قلت احطه وهابقى اشوف رأيكم فيه

طبعا زى ما عارفين او للى مش يعرف الكتاب فى هوليوود عاملين اضراب لاول مرة من سنة 1988 وبقالهم حوالى 12 اسبوع دلوقت بيطالبوا شركات الانتاج انها تزود نصيبهم من ارباح بيع الدفى دى والبيع على الانترنت ( فى رأى انها مطالب عادلة ) .. نقابة الكتاب فيها حوالى 12000 كاتب .. واضرابهم طبعا سبب خسائر ضخمة جداااااااااا للاستديوهات وكتير من البرامج والمسلسلات اصيبت بالشلل التام ومنها اللى عنده لسه حلقات مكتوبة شغال بيها على امل حل الازمة قريبا ..

اللى عاجبنى فى الموضوع وقوف نقابة الممثلين مع نقابة الكتاب ونزول الممثلين مع الكتاب فى تجماعتهم على الرغم من الضرر اللى واقع عليهم من الاضراب ده .. وتم شبه الغاء لحفل جوائز الجولدن جلوب وهى تعتبر ثانى اكبر جوائز بعد الاوسكار واوقات بتحدد منها مين ممكن يترشح للاوسكار .. المهم رفض النجوم انهم يروحوا الحفل ورفض الفايزيزن انهم يروحوا يتسلموا الجوائز وبدل الحفل الضخم تم عمل مؤتمر صحفى اعلن فيه الفائزين .. ومثله الاوسكار اللى برضه مهدد بالالغاء لرفض الممثلين ونقابتهم تعدى خط اضراب الكتاب .. والى الان لا توجد بوادر لحل الازمة دى مع تعنت اصحاب 14 استديو ورفضهم مطالبهم ..

تفتكروا لو حاجة زى دى حصلت عندنا ( معلومة عن عمل الكتاب هناك : بيتم كتابة الحلقات فى نقدر نقول قعدة لكتاب البرنامج او المسلسل سوا وطبعا المسلسلات هناك بتبقى اكتر من موسم طبعا غير هنا خالص )

المهم انا عارف انى رغيت كتير بس عشان تبقوا عارفين كل جوانب الموضوع

تفتكروا ان الممثلين عندنا او حتى المطربين لو حصل الموضوع ده بالنسبه لكتاب الاغانى هيقفوا معاهم بجد فعلا وهيهتموا بالموضوع مش هيدوروا مثلا ان ده هيزود ظهورهم الاعلامى وانه حاجة كويسة ليهم او حتى لو رفضوا ده يعنى اللى بيحب عندنا دايما انه يظهر فى صورة الملاك ابو جناحين او اللى بيدور على اى ظهور كويس او وحش يعنى اللى مهم يبقى فى وشنا والسلام

وتفتكروا مين هيقف بجد ومين هيمثل ومين هيختفى ويقول وانا مالى بنظرتكم انتم

( ياريت رد محايد تماما من غير تحيز لاى حد )

واللى فى دماغه انهم بره ممكن يكونوا بيدورو برضه على ظهور اعلامى الباباراتزى بره مغرقهم ظهور بمزاجهم او من غير

زائر

واللهي كله سياسه ومتفق عليه من الاول اصلا